KIMSA ÑEQEN WARANQALLI CHAYAMUQTIN

Kunan qelqashaqtiyqa, ñan 10 p’unchayña, mosoq waranqalliman chayamusqanchismanta. Chayraqmi kay mosoq waranqallita qallarishanchis.

Imaraykun kimsa ñeqen waranqalliman chayamuranchis?

Ñan chunka p’unchayña 2 waranqa watakuna tukurakapusqaku, muchurapusqaku. Iskay waranqa watakunañan Jesucristoq paqarimusqanmanta. Nispan ninku tukuy runakuna. Gregorio XIII Papa nisqataq kay watakunata yupariyta qallarisqa, Taytanchis Jesucristo paqarimusanmanta. Arí, YUPARIYTA

Kay Apuruna paqarimusqanmantan qallarishanchis: chay pachamanta ñawpaq watakunata, Jesucristoq ñawpaqenta nispa, chaymantataq Jesucristoq qhepanta.

Nispan nin Gregorio XIII Papa nisqa. Chayraykun runakunaqa ninku: Roma suyuqa 754 ñawpaq watakunapin kamarqa karan. Rómulo Remowanmi, iskayninku Romataqa kamarqanku.