ÑAK’ARISHANCHIS

 

 Kay Perú suyunchismi anchatapunin ñak’arishan. Imaraykun?

Kunan suyunchismanta rimarisunchis. Qankunaqa allintapuni yachashankichis.

 

HUQ SUWA RUNA

Ñan chunka wataña huq runa, llik’i ñawi runa, qollanapaq noqanchiswan ajllachikusqa. 10 wataña ñak’arishanchis.

Paymi, peruano kani nispa, ajllachikusqa. Sutinmi Alberto Fujimori Fujimori. Payqa, 4 agostopi, 1934 watapi, Japón suyupi, Kawachi llaqtapin paqarimusqa. Kay suyunchismanmi ña watayoq kaspaña taytamamankunawan chayamusqa. Iskay kuraqkunaqa kasqaku: Juana Albertowan. Maman Mutsué nisqa, 2 churikunawan chayamusqaku. Hinatan barco papelkunapi qelqasqa kashan. Llipinchismi televisionkunapi ñan kimsa wataña rikuranchis. Periódicokunapi revistakunapipas hinapunin qelqasqa kashan.

Chaymantataq, kay suwa runa, Libro de bautizos papelpin cheqaq llaqtanta ch´usaqyachisqa, hina pichasqa patapitaq MIRAFLORES (LIMA) nisqata qelqasqaku.

Pikunan chaykunata ruwaranku? Imaraykun cheqaq qelqasta picharanku? Chaymantataq huq periodista Cecilia Valenzuela sutiyoq, wayna warmi periodista, maskhakuq churakusqa, maypipunin kay Fujimori runa, paqarimurqan nispa. Kay sipasmi imaymanakunata tarimusqa, chaymantataq televisionpi, periodicopi revistakunapipas cheqaqta rimariwanchis, fotokunatapas horqosqanta qhawachiwanchis.

Kay runaqa, JAPONESMI KASQA. MANAN PERUANOchu KASQA. Imaraykun kimsa kutin presidente kayta munashan?

Kay chunka watakunapin, llipin Empresas del Estado nisqakunata vendeyapun, chhalayapun. Chaykunamantan US$11,500 millones  qolqenchiskunata qara taka runa suwamuwanchis.

Maypitaq chay qolqekunari kashanku? Lluy qolqekunatan sapachallan millp’urakapushan. Churinkunatataq Estados Unidosman kachaspa, qolqenchiswan educashan, noqanchistaq kallpanchiswan, hunp’inchiswan, mana qolqeyoq kaspa ñak’arishanchis, paytaq qolqenchiswan, wijsa punkisqallan kawsashan. Noqanchis kay suwa runapaq llank’ashanchis. Allinchu kay kanman? Chanintachu ñoqanchis yuyayninchista hap’ikushanchis?

Runamasinchiskunan kay Fujimori runata manañan munankuchu. Sapa p’unchay mana llank’ay kanchu, churinchiskunataq tullullaña, k’aspillaña, tankallaña wiñashanku, paytaq, qolqenchiswan qharillaña churakun. Kay suwa runatachu hoqmanta presidentepaq ajllasunchisman? Manapunin, wayqe panaykuna hoqmanta llullachikusunchismanchu. Japonestaqa manañan. Llullapakuq llik’i ñawi runataqa llaqtanchismanta wijch’usunchis.

 
Subir ^