YUYARISUNCHIS

Pisqa punchay abril killapin, 1992 watapin, kay llulla runa, kay suwa runa Hatun Kamachiyninchista (Constitución Política) p’akirpariran, chaymantataq sapachallan Congresopis karan, sapachallan juezpas karan, sapachallan imaymanakunaman tukumurqan.

Hap’ipakun Peru suyunchista, payllan Ministro nisqakunapas kashan, payllan juezpas kashan, payllan Jurado Electoralpas kashan. Kay llula runatachu noqanchis presidentepaq ajllasunchisman? Hinata yuyananchispaq, wak’a runakunachu noqanchis kashanchis? Wak’a runakunachu kasunchisman?

Yuyarisunchis: 1535 watapi, Francisco Pizarro millay runa, khuchi runa, Atawallpa Inkata wañuchirqan. Ñawpaqtataq qori qolqeta mañakuran, manan wañuchishaykichu nispa. Maytukuy qori qolqetan Inka masinchiskuna llipin Tawantinsuyumanta huñuspa chay khuchi runapaq Qasamarkaman (Cajamarca) aparanku. Yuyariychis. Yuyarisunchis. Chay khuchi runa hinan, kay japonés nisqa, khuchi runa kaspa llullakuwashanchis, suwakuwashanchis.

Imatan churinchiskunata willasunchisman? Llullakuspachu? Ima runakunataq, hina kaqtinqa, noqanchis kasunchisman?

YUYARISUNCHIS: Hayk’aqmi tayta mamanchiskuna llullakuypi uywakuwaranchis?

HOQ P’UNCHAYKAMAÑA, WAYQE PANAYKUNA.

Arequipa, 08 de enero de 2000.